Kategori: Økologisk

Posted on by

Solkrem og myggolje

Eg har fått på plass ny emballasje og kan no tilby solkrem med solfaktor 10 og 20 igjen. Denne gongen kjem det i ei lita praktisk pumpeflaske på 60 ml. Akkurat i dag er slit Epla-butikken med serverproblem, så eg får ikkje lagt dei ut for sal. Prisen er 150,- og om du vil kjøpe så send meg ein epost.

I tillegg har eg på plass myggolje. Denne skal halde både mygg og flått vekke. Den inneheld eterisk olje av sitronelle, peparmynte, eucalytus og lavendel i ein base av sesamolje. Alle desse eteriske oljene er kjende for å vere insektavvisande. Myggolja kostar 85,-

myggolje

  solkremspf20 60ml

solkremspf10 60ml

Posted on by

Om økologiske ingrediensar

Til og med for meg som driv i bransjen er det avogtil forvirrande å finne ut kor økologiske hudpleieprodukt verkeleg er. Før eg starta Rein hudpleie trudde eg at alle produkt og seriar som brukte økologisk i beskrivelsen sin var heilt økologiske. Dette er ikkje tilfelle. Faktisk vart dette noko av motivasjonen for å starte opp sjølv, for eg syns det var vanskelig å finne produkt som virkelig var heiløkologiske. Når ein studerer innhaldslista så viser det seg at det kanskje er ein eller to økologiske ingrediensar, og det er nok til at produktet vert løfta fram som økologisk. Dette syns eg faktisk ikkje er godt nok. Det er heller ikkje godt nok påstå at viss ingrediensane er «naturlege» så er produktet økologisk.

Når dette er sagt så er heller ikkje alle mine produkt 100% økologiske. Men eg er heilt bevisst på at finst det eit økologisk alternativ så velger eg det, sjølv om det kanskje er tre gonger så dyrt. Men det er ikkje alt som finst å få tak i økologisk. Eksempel på dette er lanolin, såpestoff og lanettevoks. Men når eg velger konvensjonelle ingrediensar har eg ein god grunn for det, og den grunnen er ikkje pris.  Samtidig så velger eg vekk mange gode ingredienser fordi dei ikkje finst økologisk. Uansett så syns eg at det bør vere skikkelig og tydelig merking på alt, og eg blir litt provosert når hudpleieprodukt som inneheld nokre få økologiske ingrediensar vert framtilt som økologiske. Då er det eit valg som mest sanlynleg går på pris, ikkje tilgjengelighet.

For meg er det også viktig å ha ingrediensar som er framstilt på berekraftig vis, og som kan brytast ned i naturen etter bruk. Eg brukar plast- og metallemballsje, men denne er laga av resirkulert materiale, og kan gjenvinnast etter bruk. Eg er stadig på leit etter endå meir miljøvenleg emballasje, men import er vanskelig og ikkje minst dyrt for oss småprodusentar.

For å gjere det så enkelt som mogeleg for forbukarane har eg tydeleg merking med innhaldsliste på framsida av alle produkt, og har i tillegg ei liste over alle ingrediensar som eg brukar her på heimesida.

Posted on by

Travle dagar og nye produkt

For oss som prøver desperat å vere bønder er våren veldig travel, spesielt når veret er fint. Så alt innearbeid og dataskriving vert utsett til kvelden, men då er ikkje lenger energien på topp. Her hos oss er me velsigna med kveldsol til nesten 22.30 på det lengste, men av og til er det litt slitsom også, for ein føler at ein burde vore ute i hagen mens ein helst vil ligge på sofaen og slappe av.

Men dei siste vekene har eg fått gjort ein del i hagen, nye kyllinger har klekt ut, eg har fått på plass ansiktsolje med faktor og ein ny massasjeolje pluss ny forsyning med solkrem. Nye varer er på plass hos Reindyrka i Bergen og ein stor pakke er på veg til Frisk Flora i Florø. Nye produkt er stadig under utvikling, i går kveld laga eg ein myggspray av økologisk trollhasselvatn, citronella, eucalyptus, lavendel og peparmynte. Eg trur den vil virke bra, men det er nok nødvendig å spraye seg ganske ofte då dei eteriske oljene fordampar etter ei lita stund.

ansikstolje spf 15

massasjeolje sensuell og varmande

solkrem spf 10solkrem spf 20

 

 

Posted on by

til Aurland

Sist helga pakka eg sekken og reiste til Aurland. Her var det samling for det økologiske miljøet i heile landet, og mykje folk. Samlinga var kombinert landsmøte for Oikos, og Aurlandseminaret. Grunnen til at samlinga er lagt til Aurland er at her er den einaste økologiske jordbruksskulen i landet, nemlig Sogn Jord- og Hagebruksskule. Viss du eller nokon du kjenner lurer på ei utdanning innan økologisk landbruk er dette rette staden å reise til. Eg var elev her for ein del år sidan, og det var desse åra som la grunnlaget for det eg driv med i dag. Skulen vil eg anbefala på et varmaste!  Som elev og tilsett ved skulen hadde eg nokre kjempefine år, også var det jo her eg traff den finaste mannen.

Kjekt er det uansett å komma seg vekk frå kvardagen litt, treffe gamle venner og få påfyll av økologisk inspirasjon. Også er det alltid fint å komma «heim» til Aurland. Tida var knapp og det vart ikkje tid til å ta noko særleg med bilete, men på heimesida til skulen er det mykje fint å sjå på. Også var det jo kjekt å skå Rein hudpleie produkt utstilt i den fine gardsbutikken, men det gløymte eg jo sjøldsagt å ta biltete av.

sjh1 sjh2