Hud

Posted on mars 3, 2020mars 3, 2020 by AM

Hei mars!

Vårsola er her med sine skarpe strålar, og det er viktig å tenkje på korleis du verner huda mot skadar no når me tilbringer meir tid ute. Huden i ansiktet får lett solskader og pigmentflekker siden den er utsett for ver og vind heile tida. UVA-strålar kan bidra til tidlig aldring av huden og pigmentflekker, mens UVB-stråler gjer at ein vert solbrent. Begge typar stråling kan auke faren for å utvikle hudkreft. Difor er det viktig å bruka solkrem som vernar både mot UVA- og UVB-strålar. Rein brukar kun fysisk solfilter i sine solprodukt, fysisk solfilter gir godt vern mot all UV-stråling ved å legge seg som eit tynt lag utenpå huden som reflekterer vekk strålinga. Solfilter består av Tiosol som er finkorna titandioksid uten nano-partiklar.

Kjemisk solfilter trenger ned i huden og stoppar strålinga gjennom ein kjemisk prosess. Kjemisk solfilter gir også godt vern, men kjemikaliene som vert brukt er i mange tilfelle hormonhermarar. Desse har vist seg å vere skadeleg for livet i havet, og spesielt korallreva i tropiske strøk har blitt påverka av dette. Difor ser me no at fleire plassar forbyr bruk av solkrem som inneheld skadelege ingredienser. Desse er mellom anna oxybenzone, avobenzone, octocrylene, homosalate og octinoxate.

Posted on februar 27, 2018mars 2, 2018 by AM

Hugs smørning i kulda!

Legg i korga

[Edit]

Posted on februar 24, 2014 by AM

Produkt til ansiktspleie

Eg driv for tida og oppdaterer produkt-sida. Her er ein smakebit mens me venter på at eg skal bli ferdig:

:: Ansiktsolje
Bruk ansiktsolje i staden for fuktigheitskrem etter ansiktsvask/rens. Olja trekker raskt inn i huda, og sørger for god fuktigheit. Avocadoolje er rik på vitamin, jojobaolje er svært lik vår eigen hud og vert svært for absorbert. Mandelolje er god til tørr, kløande og irritert hud hud, og hampfrøolje er lindrande og mjukgjerande. Ansiktsolja inneheld like mykje av kvar av desse oljene. I tillegg er det tilsatt nokre dråper etrisk olje av lavendel. Olje trenger djupare inn i huda enn vanlig fuktighetskrem, og gir masse næring til dei inneste hudlaga i ansiktet.

:: Ansiktsolje med solfaktor 15
Inneheld det same som vanleg ansiktsolje, og tiosol.
Tiosol er eit fysisk solfilter basert på finkorna tiandioksid, inneheld ikkje nanopartiklar. Olja trenger djupare inn i huda enn vanlig fuktighetskrem, og gir masse næring til dei inneste hudlaga i ansiktet.
Innhald: mandelolje*, jojobaolje*, hampfrøolje*, avocadoolje*, e-vitamin*, tiosol og eterisk olje av lavendel*. 30 ml. *=frå økologisk landbruk

:: Anti-rynke serum
Bruk serumet i staden for fuktighetskrem om kvelden. Masser eit tynt lag på fuktig hud etter rensing. Oljene trekker raskt inn i huden, og gir mykje næring djupt inn i huda. Nyperoseolje er oppstrammande og reparer arr, den er også rik på vitamin A som stimulerer til cellefornying. Granatepleolje er full av vitamin og antioksidantar, desse nøytraliserer frie radikaler som fører til aldring av huda. Avocado, jojoba og mandelolje er alle næringsrike oljer som gir næring og fuktighet til huda.
Innhald: jojobaolje*, mandelolje*, avocadoolje*, granateplefrøolje*, nyperoseolje*, e-vitamin* og eterisk olje av geranium* og ylang-ylang*. 30 ml. *=frå økologisk landbruk

:: Ansiktskrem
Ein fyldig ansiktskrem fullpakka med næringsrike oljer og feittstoff. Dersom du har feit hud eigner den seg best som nattkrem, for deg med litt tørr hud passer den fint som både dag- og nattkrem. Kan gjerne brukas i kombinasjon med ansiktsolje. Kremen inneheld oljer som skal verke oppstrammande på huda, og glatte ut rynker. Inneheld også nattlysolje som skal vere veldig effektiv på eksem og hudirritasjoner. Kamille, ringblom, aloe vera og rose verkar alle roande på irritert hud. Jojobaolje, hampolje, og avocadoolje gir huden masse næring og vitaminer. Kjem i ei 50ml blå glaskrukke.
Innhald: kokosolje*, uraffinert sheasmør*, lanettevoks*, lanolin, aloe vera*, jojobaolje*, hampfrøolje*, nattlysolje*, nypefrøolje*, granateplefrøolje*, avocadoolje*, a-vitamin, e-vitamin*, kamilletinktur*, ringblomekstrakt* og eterisk olje av geranium*. *= frå økologisk landbruk

:: Reinseskum
skånsom reingjering av ansikt. Inneheld sukkertensider (supersulfat) som er eit mildt såpestoff, og glyserin
som er fuktgjevande. Ringblomekstrakt er helande, lindrande og gjenoppbyggande. Eigner seg også som barberskum. Kjem i ei skumflaske som gjer renseskummet veldig drøyt. Inneheld 150 ml.
Innhald: vatn, supersulfat, aloe vera*, glyserin (vegetabilsk), emulsterna, natriumbenzoat, ringblomekstrakt* og eterisk olje av lavendel*, bergamott*, niaouli*og geranium* 150 ml. *= frå økologisk landbruk

:: Ansiktsrens/maske med leire
For urein hud med grøn leire/ for tørr og sensitiv hud med rosa leire

Ein fast ansiktsrensekrem basert på oljerensingsmetoden. Det vil seie at ein brukar olje til å løyse opp fett og smuss på huden, og ein etterlater huda reinsa, men ikkje uttørka. Eg har laga min eigen vri med sheasmør og kakaosmør blanda med mandelolje, ricinusolje, kvit og rosa leire. Fettstoffa er med på å løyse opp fett frå huda, mens leira reinser i djupna.

Rensen kan godt sitje på i 10 min, då fungerer den som ein ansiktsmaske. Leira trekk ut smuss og skit frå huda, men oljene og smøret reingjer samtidig som det gjer fukt til huda. Niaouli verkar sårhelande og styrkande på huda, og er god for urein hud.
Innhald: uraffinert sheasmør*, uraffinert kakaosmør*, grøn leire/rosa leire, kaolin (kvit leire), mandelolje*, ricinusolje*, e-vitaminolje* og eterisk olje av niaouli * = frå økologisk landbruk

:: Leppepomade med bivoks og peparmynte
Ein kjølande leppepomade for såre lepper. Veldig god viss du er plaga med såre lepper i kaldt vær. Peparmynteolje gir ein kjølande og lindrande effekt. 4,5 g.

Inneheld bivoks*, uraffinert kokosolje*, tistelolje*, e-vitamin* og eterisk olje av peparmynte*. *=frå økologisk landbruk

:: Farga leppepomade
Ein pleiande leppepomade for deg som ynskjer ein diskret farge på leppene. Leppomaden gir litt glans og ein forsiktig raudfarge til leppene. 4,5 g.

Innhald: uraffinert kakaosmør*, sesamolje *, ricinusolje*, bivoks*, e-vitamin* og fargepigment av leire.
*=frå økologisk landbruk

Posted on august 28, 2013august 28, 2013 by AM

Å reinse huda med olje

Eg lova for ei tid tilbake at eg skulle skrive eit innlegg om oljereinsingsmetoden. Som vanleg strekk ikkje tida mi heilt til, og når eg i tillegg leste desse to blogginnlegga frå flinke Crunchy Betty, så tek eg ein litt lettvint utveg denne gongen og deler lenkene til to grundige og gode innlegg. Ho har fortel litt om kvifor det er bra å reinse huda med olje, og har eksperimentert ein heil del med ulike oljer og blandinger. Eg for min del har det siste halve året brukt min eigen ansiktsrens med leire, og syns den fungerer veldig bra. Men her er iallefall ein del bakgrunn og tips til dei av dykk som vil eksperimentere litt meir:

http://www.crunchybetty.com/nitty-gritty-on-the-oil-cleansing-method

http://www.crunchybetty.com/trying-and-troubleshooting-the-oil-cleansing-method-tips-for-flawless-oil-cleansed-skin

Posted on august 19, 2013august 19, 2013 by AM

Produktoppdatering

Sommaren nærmar seg vel slutten enten me vil eller ikkje, og eg for min del håpar hausten bringer med seg litt roligare dagar. Utenom hudpleie driv me jo med iskrem, og sommaren er høgsesong for oss. Hausten vert nok prega av ein del hausting, safting og sylting. I tillegg håpar eg at eg vil få tid til å realisere nokre fleire av produktplanane mine. Eg har sagt til meg sjølv mange gonger at det sikkert ikkje er lurt å ha altfor mange ulike produkt år ein driv så lite som meg. Men så er det jo fryktelig kjekt å koke i hop nye ting, i tillegg så hender det at eg får spørsmål frå kunder om det eine og det andre som dei ønsker seg. Og då må eg sjølvsagt prøve på det. Eit eksempel på det siste er kroppssmøret som eg har jobba ein del med i sommar, og som eg no endelig er nøgd med både når det gjeld duft og konsistens.

Vidare så har eg laga ein myggspray, no er vel sesongen litt på hell, men det hender at nokon treng slikt når dei skal på ferie til varmare strøk.

Eit produkt som eg har brukt sjølv ei god stund og som eg likar godt er ansiktsrens basert på oljereinsingsmetoden. Denne består av ulike fettstoff og oljer blanda med leire. Fettet løyser opp fett og smuss på huda mens leira reingjer i djupna. Eg kjem til å skrive eit innlegg her om oljereinsingsmetoden snart.

Posted on juli 10, 2013juli 10, 2013 by AM

Kroppssmør

Sommaren er her for fullt, og det er høgsesong for det eg eigentleg driv med. Men gøy har det vore desse månadane siden eg starta med Rein hudpleie. I starten såg eg for meg at dette skulle bli ein vinter-syssel, men pågangen har vore såpass stor at eg må sysle jevnt og trutt. No for tida jobbar eg med å finpusse eit nytt produkt, Kroppssmør. Kvar kveld smører eg meg inn med dette deilige smøret, og jammen vert huden mjuk og fin. For meg som er mykje ute om dagane, og er mykje utsett for vêr og vind (og stikkebusker), så har det virkelig gjort godt.

View this post on Instagram

A post shared by Una Kolle (@unakolle)

Mykje aloe vera gjer at det også egner seg etter at ein har fått litt mykje sol. Konsistensen har eg vore litt misfornøyd med, men no byrjar det å nærme seg. Håpar å få det på plass i Epla-butikken i løpet av veka.

Dei siste vekene på Instagram:

View this post on Instagram

A post shared by Una Kolle (@unakolle)

Posted on mars 5, 2013 by AM

Litt om hud i ansiktet

-og kvifor me må ta vare på den

Fordi huda stadig må kvitte seg med avfallstoff og døde hudceller er det viktig meg dagleg reingjering av ansiktet, spesielt når du brukar sminke. Dersom du ikkje reingjer ansiktet så får du tilstoppa porer som igjen fører til urein hud. Sjølv om du ikkje brukar sminke er det lurt å vaske vekk dei døde hudcellene og anna grums som huda skiller ut i løpet av ein dag. Men dersom huda di vert uttørka av reingjering er det viktig å tilsette ein eller annan form for feittstoff etterpå. Det ideelle her er å bruke noko som liknar ansiksthuda sitt eige fett, til dømes produkt som inneheld lanolin eller jojobaolje. Her kan ein med fordel bruke berre olje i staden for fuktigheiskrem. Og ein bør for all del unngå produkt som inneheld petroleumsprodukt då det desse gjer er å tørke ut huda meir og øydelegge huda si evne til å produsere olje. Dersom du har feit hud som produserer mykje olje er et ekstra viktig å bruke reingjeringsprodukt som fjernar overflødig olje, utan å tørke ut huda.

Tidligare har eg komme med tips til ansiktsmasker du kan lage sjølv av ting du har på kjøkenet, her får du tips til ein annan måte å gi ansiktet ein oppfrisking. Dersom du ikkje har tilgang på urter sjølv finn du mykje i te- og krydder sortimentet på hesekostbutikkane.

Ansiktsdampbad
Damp gjer at porene opnar seg og svettar ut avfalstoff som har samla seg opp. Eit dampbad aukar blodsirkulasjonen, gjer at musklane slappar av, og gir fuktighet til dei innerste laga av huden. Du byrjar med å reinse huden godt, så kokar du om lag 7 dl vatn. Tilsett urtene du vil bruke og la det stå med lok i 5 minutt. Plasser bollen eller kjelen ein plass der du kan sitje komfortabelt. Ta av loket, dekk hovudet med eit handkle og pust inn dampen i om lag 10 minutt. Avslutt med å skylle ansiktet med lunka vatn og smør deg inn med ansiktsolje eller anti-rynke serum.

Pore-rensker:
7 dl vatn
1 ts tørka ryllik
1 ts tørka salvie
1 ts tørka rosmarin
1 ts tørka peparmynte

For tørr hud:
7 dl vatn
1 ts tørka ringblomst
1 ts tørka valurt
1 ts tørka hylleblomst
1 ts olje (f. eks. jojoba, mandel, solsikke, sesam, oliven)

Du kan også bruke eteriske oljer i vatnet, då treng du ikkje la det stå i 5 minuttar før du brukar det.

Her er det berre til å finne sine favorittar blant urter og oljer. Fleire tips til urter:
Kamille, bringebærblad, lavendel, rose og fennikel.

Posted on januar 25, 2013 by AM

Får du tørr hud i vinterkulda?

Då bør du prøve sheasalven. Den kan du fint bruke som fuktighetskrem og kuldekrem. Salven trekk ganske raskt inn i huda, og sjølv om den er feit så blir du ikkje spesielt blank i fjeset. No får tida bruker me denne i ansiket heile familien, gjerne fleire gongar for dagen. Då den ikkje inneheld eterisk olje egner den seg godt til allergikarar.

Sheasmør er laga av nøttene frå shea-treet som veks i eit belte sør for Sahara. Tradisjonelle bruksområde for smøret i si naturlege formhar vore behandling av eksem, babystell, fuktighetskrem, lindre stikk og solbrent hud, og det har ein betennelsesdempande effekt. Her er sheamøret blanda med avocadoolje for å få ein meir smørbar konsistens. Avocadoolje er rik på vitamin, og er rekna for å vere svært god på tørr hud med eksem, og aukar huda sin produksjon av kollagen. Salven inneheld ikkje vatn eller eterisk olje. Egner seg på tørr hud og eksem. Kan fint brukas som kuldekrem, egner seg også til massasje.

Innhald: uraffinert økologisk sheasmør, økologisk avocadoolje og e-vitamin (konserveringsmiddel).
Inneheld 50 ml

Sheasalven kan du kjøpe her

Posted on januar 18, 2013 by AM

Kokosolje og heimelaga grynblanding

Eg brukar kokosolje i fleire av Rein hudpleie-produkta. Olja eg brukar er økologisk og kaldpressa. Kokosolje er fast i vanleg romtemperatur som gjer at den gir konsistens i til kremar og salvar. Men viss den vert varma opp vert den flytande. Derdor kan du risikere at leppepomaden smeltar viss du har den i lomma.Kokosolja eg brukar har ein herlig luft av kokos, det er ingenting som lukar så godt som ein kjele med varm bivoks og kokosolje på komfyren.

Måten kokosolja vert laga på er at heile fine nøtter vert skrella, og alt det brune skalet fjerna. Det kvite kjøtet vert kverna og tørka på lag temperatur. Dette er for å fjerne vatnet i kokoskjøtet. Etter tørkinga vert kokoskjøtet pressa for å få ut olja, også filtrert for å få ut alle partiklane.

Grunnen til at eg likar å bruke kokosolje i produkta mine er som sagt tidlegare at det gir ein fin konsistens til salvar, men i tillegg har kokosolja masse gode eigenskapar i seg sjølv. For det første gir den ein masse fuktigheit til huda, og i mange land der kokos vert dyrka brukar dei rein kokosolje som fuktighetskrem. Kokosolje er rekna for å vere veldig gunstig å bruke viss du har hudproblem som eksem, psoriasis, tørr hud, kløe eller hudinfeksjonar. I tillegg til alt dette så er det også ei veldig fin olje å bruke i matlaging. Den skal vere helsebringade på mange måtar, og er rekna for å vere i av dei sunnaste matoljene. Det masse å lese om kokos på nettet, til dømes her.

Men dersom den skal varmebehandlas bør du ikkje bruke jomfrukokosolje. Her oss oss brukar me kokosolje til steiking, og nokre gonger til baking. Oftast brukar eg den på heimelaga musli som er populært både til frukost og kvelds her i huset vårt. Viss du er frista til å prøve så får du oppskrifta her. Dette er ei grunnoppskrift, men her kan du bruke dei gryna og nøttene som du likar, varier gjerne med solsikkefrø og graskarfrø. Rosiner og anna tørka frukt må du tilsette etter at muslien har blitt kald.

Rista grynblanding med kokosolje

1 liter havregryn
2 dl sesamfrø
2 dl kli
2 dl hakka mandler og hasselnøtt
3 ss kokosolje
1 dl lønnesirup eller honning
pittelitt salt
1/2 ts kanel om du vil

Smelt kokosolja og bland den med lønnesirup eller honning. Bland alt det tørre og ha i ei langpanne, tøm over oljeblandinga og bland godt. Dersom du vil kan du ha ei ss peanøtt eller mandelsmør oppi olja mens den smelter. Bak blandinga i ovnen, 160 grader i omlag ein time. Rør rundt av og til for å passe på at alt vert rista jevnt.

Posted on januar 13, 2013januar 13, 2013 by AM

Ansiktsmasker

Ansiktsmasker er ein måte å gi huden ein skikkelig djup rens. Her kan ein bruke mange ulike ingrediensar som verkar på ulike måter, nokre aukar blodsirkulasjonen, nokre brukar me for å tilføre fuktigheit, andre som peeling. Ansiktsmasker kan roe ned irritert hud, og gjere huda mjukare. Men det finaste av alt er at det er fleire ting som dei aller fleste har i kjøkenskåpet eller kjøleskåpet som kan brukast. I dag skal du få nokre oppskrifter på ansiktsmasker du kan lage sjølv for ein billig penge. Som du ser på oppskriftene under så er det ikkja alltid så mykje som skal til for å gi ansiktet litt meir oppmerksomhet, ein finfin aktivitet for ein rolig sundagskveld!

Bruk alltid ansiktsmasker på nyleg reingjort og fuktig hud. Bruk fuktigheitskrem eller ansiktsolje etter du har skylt av maska.

Eggekviteoppstrammar
Denne maska er oppstrammande for huda, og minskar porene. Maska vert veldig stram når den tørkar, så det er best å vente med dei gode samtalane til du er ferdig. Egner seg til alle hudtypar

Kviten av eit egg
1 ts maisena

Bland saman eggekvita og maisena i ei lita skål, bland godt med gaffel. Blandinga skal ikkje vere klumpete. Bruk fingrane dine og smør maska jevnt utover ansikt og hals. Legg deg ned og slapp av mens dette tørkar, omlag 20 min. Rens av med vatn.

Havremaske
Denne maska fungerer som ein mild peeling, dersom du brukar den to gonger i veka skal den hjelpe på raudflammete hud då maska har ein savk bleikande effekt. Egner seg til alle hudtypar, men ikkje bruk den dersom du er solbrent, vindbrent eller har veldig irritert hud i ansiktet.

4 ts knuste havregryn
5 ts surmjølk eller yogurt naturell

Bruk ei matmølle til å knuse havregryna til fint mjøl. Bland dette med sumjølka ei ein liten bolle. Dersom den er veldig tjukk kan du ta litt ekstra surmjølk. Bruk fingrane og smør massen på ansiktet. Lat tørka i 20-30 minuttar og rens av. Når du vasker vekk maska brukar du forsikting sirkelrunde bevegelsar, då får du masser vekk døde hudceller og ansiktet blir mjukt og huda frisk og fin.

Banan og krem
Denne enkle maska gjer ansiktstshuden supermjuk og avslappa. Passer fint til alle hudtypar også dei veldig sensitive, solbrent og irritert hud.

omlag 5 cm veldig moden banan
litt kremfløyte

Finmos bananen og bland med fløyte til du har ein glatt, smørbar masse. Bruk fingrane og smør inn ansikt og hals. Men pass på at du ikkje har finkjolen på deg, for denne kan bli litt grisete. Maska skal ikkje tørke, men ha den på i 20-30 minuttar før du skyller den av.

Viss du har ein annan oppskrift som du likar, del gjerne med oss!

Share this:

Sal

Share this:

Share this:

Share this:

Share this:

Share this:

-og kvifor me må ta vare på den

Share this:

Share this:

Share this:

Share this: