Skribent: AM

Posted on by

Sjampo

Dei siste vekene har eg hatt veldig lyst til å jobbe litt med å lage ein eigen sjampo-oppskrift. Eg har i mange år vore opptatt av å bruke økologiske hudpleieprodukt. Men eg har ikkje alltid vore så opptatt av håret. Eg har kanskje følt litt at viss eg er flink på alt det andre så kan eg gløyme ut kva eg vaskar håret med, og gjere det litt lettvint. Men den siste tida har eg vore plaga med kløande hovudbunn og syns ikkje eg finn noko som passer for meg. Så etter mykje lesing på internett så har eg komme fram til to ting:

:: vanleg konvenjonell sjampo er noko drit

:: eg kan klare å lage ein sjampo som er laga av 100% naturlege råvarer og utan konserveringsmiddel, men den held seg berre i 4 månader.

Då var det berre til å hoppe i det, og prøve. No har eg laga 3 flasker, så då er det utprøvingstid. Velsigna som eg er med ein snill familie skal eg få litt hjelp av syster mi og mor mi til å prøve ut sjampoen.

Kvifor vanleg sjampo ikkje er bra? Dei inneheld mykje sodium laural sulfate/sodium laureth sulfate (SLS/SLES) som er kjent for å irritere hud, auge og vere skadeleg for leveren. Desse vert brukt fordi dei er billige, og skummar godt.  Dei fjerner også fettet frå huden som gjer at håret ser fint og reint ut først, men resultatet blir ofte ein kløande og flassande hovudbunn. Bruken av parfyme i vanleg sjampo forverrer dette. I tillegg er det vanlegvis ei lang liste med kjemikalier som gjer at sjampoen lukter godt, har passelig konsistens, har tilnærma ubegrensa haldbarhet og så vidare. Dei fleste av desse aner me ikkje kva er for noko, og me vil sikkert ikkje vite det heller.

Sjampoen som eg har laga inneheld vatn, sulfat (mildt såpestoff basert på kokos), perlemorsulfat (liknar sulfat, men er tilsett leiremineral for å gi perlemorseffekt), aloe vera, lavendel hydrolat, salt (gir tjukkare konsistens), brennesletinktur, stemortinktur, sitronsyre (for å seinke pH’en) og eterisk olje av lavendel.

I dag har eg brukt sjampoen for første gong, den skummar godt og ser ut til å virke bra. Då gjenstår det berre å sjå korleis det vert over tid. Kva seier du, er sjampo eit produkt du er interessert i?

sjampo1
At fargen på sjampoen matcha gardinene var sjølsagt nøye planlagt!

Posted on by

Tur på ein torsdag

Eg og Frøya er glad i å gå på tur i skogen, men då heile verda har vore islagt i vekesvis har det vore få turar på oss. Her hos oss er me uten sol frå første veka i november til første veka i februar. No er endelig sola tilbake, og det gjer det også litt mindre fristande å gå på tur i skogen der sola ikkje er tilbake endå. I går trossa me likevel isen og sola og hadde oss ein kjapp tur før middag. Eit lite snev av sol såg me, og det beste av alt -eg gjekk ikkje på trynet på isen ein einaste gong!

20130225-182720.jpg

20130225-182859.jpg

20130225-182917.jpg

20130225-182929.jpg

20130225-182957.jpg

20130225-183008.jpg

Posted on by

Mens me venter på at isen skal tine

Her i huset går samtlige med sår hals, og me hoster og harker om kvarandre. Blogging og andre kreative krefter har gått litt i dvale til fordel for sofaligging og diverse former for underhaldning. Her hos oss er sola vekke i omlag 12 veker kvar vinter, og no har me så smått byrja å få den tilbake. Det gjer at vårlengten kjem sigande, sjølv om heile hagen er dekka i 2 cm med blank is. Mor i huset måtte kjøpe seg brodder sjølv om ho føler at alderen ikkje heilt står i samsvar, men etter å ha gått trynet fleire gonger på veg bort til hønsehuset så var det berre å bite i det sure eplet. Så mens me venter på at sola skal vise seg litt meir kvar dag, og at isen skal smelte så kikkar me på gamle bilete og drøymer om sumaren.

DSCF3112

IMG_0968 IMG_0939 IMG_1024 IMG_1110 IMG_1118 una 073

Posted on by

Eteriske oljer

Når du skreller ein appelsin, eller gnir litt mynte mellom fingrane kjenner du godt lukta av planten eller frukta. Det du luktar er ofte den eteriske olja i planten. Det er den eteriske olja som gir plantene sine særeigne duftar og parfyme. Desse oljene er flyktige, det merker du godt viss du skreller ein appelsin så luktar det sterkt appelsin med ein gong, men lukta forsvinn fort. Nokre planter har mykje slik eterisk olje, andre har lite. Til dømes er konsentrasjonen av eterisk olje i rosa så liten at det må eit tonn roseblomar for å lage 300g eterisk olje av rose. Eteriske oljer vert brukt på mange ulike måtar.  Når ein brukar eteriske oljer i massasje vert olja absorbert i huda, og transportert rundt i kroppen. Det vert sagt at viss du gnir eit kvitlauksfedd mot fotsålen så vil olja i kvitlauken bli tatt opp av blodet og merkast på pusta litt seinare. Så det er ikkje berre aromaen av dei ulike oljene som er viktig, men også den kjemiske reaksjonen mellom oljene og kroppen. Difor skal ein vere litt forsiktig med å bruke eteriske oljer når ein er gravid, sjuk, og  på små born. I tilfelle du får ein allergisk reaksjon kan det vere lurt å prøve produkt som inneheld eteriske oljer på eit lite område av huda først. Eteriske oljer er svært sterke, og må aldri brukas ufortynna på huda.

Mange av oljene eg brukar kjøpar eg hos Salome, dei har økologiske oljer av god kvalitet. Hos Salome kan du også lese meir om eigenskapane til dei ulike eteriske oljene.

Her i huset prøvar me å bruke så lite kjemikalier og vaskemidler som mogeleg, difor lagar eg til dømes mitt eige tøyskyllemiddel. Då brukar du rett og slett ei flaske eddik, og drypper oppi 20-30 dråpar av den/dei eteriske oljane du likar best. Eg er svak for lavendel. Rist godt på flaska før du brukar den, og ha ein klunk i vaskemaskina i staden for vanleg tøymjuknar. Eddiken gjer kleda mjuke.

Eg brukar også å ha ei dusjeflaske med vatn attmed strykebordet når eg stryk dukar og slikt. I dusjeflaska har eit par dropar lavendelolje, og dette vatnet sprayar eg på mens eg stryk. Det gjer at det luktar godt mens eg held på med slikt kjedelieg arbeid i tillegg til at dukane lukar godt når du tar dei fram att.

Her er meir lesestoff viss du vil lære meir om eteriske oljer, og eigenskapane til dei ulike oljene. Denne boka er eit nyttig oppslagsverk som eg nyttar mykje.

514VbmIUv5L._BO2,204,203,200_PIsitb-sticker-arrow-click,TopRight,35,-76_AA300_SH20_OU02_

Posted on by

Får du tørr hud i vinterkulda?

Då bør du prøve sheasalven. Den kan du fint bruke som fuktighetskrem og kuldekrem. Salven trekk ganske raskt inn i huda, og sjølv om den er feit så blir du ikkje spesielt blank i fjeset. No får tida bruker me denne i ansiket heile familien, gjerne fleire gongar for dagen. Då den ikkje inneheld eterisk olje egner den seg godt til allergikarar.

Sheasmør er laga av nøttene frå shea-treet som veks i eit belte sør for Sahara. Tradisjonelle bruksområde for smøret i si naturlege formhar vore behandling av eksem, babystell, fuktighetskrem, lindre stikk og solbrent hud, og det har ein betennelsesdempande effekt. Her er  sheamøret blanda med avocadoolje for å få ein meir smørbar konsistens. Avocadoolje er rik på vitamin, og er rekna for å vere svært god på tørr hud med eksem, og aukar huda sin produksjon av kollagen. Salven inneheld ikkje vatn eller eterisk olje. Egner seg på tørr hud og eksem. Kan fint brukas som kuldekrem, egner seg også til massasje.

Innhald: uraffinert økologisk sheasmør, økologisk avocadoolje og e-vitamin (konserveringsmiddel).
Inneheld 50 ml

sheasalve_ute

Sheasalven kan du kjøpe her

Posted on by

Vinn produkt!

Har du lyst til å prøve eit valfritt produkt frå Rein hudpleie heilt gratis?

No har eg tenkt å ha ein liten konkurranse, det du gjer for å delta er å like Rein hudpleie si side på fjesboka. Når du har gjort det så legg du igjen ein kommentar her i dette innlegget. Eg trekker ein vinnar når fjesboksida har 50 likarar (det er snart!), og så trekk eg ut ein vinnar til når fjesboksida får 100 likarar. Del gjerne med andre som du trur er interesserte i økologiske hudpleieprodukt. Les meir om produkta her.

[easyrotator]erf_79_1351151614/erc_54_1358766507[/easyrotator]

Posted on by

Kokosolje og heimelaga grynblanding

Eg brukar kokosolje i fleire av Rein hudpleie-produkta. Olja eg brukar er økologisk og kaldpressa. Kokosolje er fast i vanleg romtemperatur som gjer at den gir konsistens i til kremar og salvar. Men viss den vert varma opp vert den flytande. Derdor kan du risikere at leppepomaden smeltar viss du har den i lomma.Kokosolja eg brukar har ein herlig luft av kokos, det er ingenting som lukar så godt som ein kjele med varm bivoks og kokosolje på komfyren.

Måten kokosolja vert laga på er at heile fine nøtter vert skrella, og alt det brune skalet fjerna. Det kvite kjøtet vert kverna og tørka på lag temperatur. Dette er for å fjerne vatnet i kokoskjøtet. Etter tørkinga vert kokoskjøtet pressa for å få ut olja, også filtrert for å få ut alle partiklane.

71257

Grunnen til at eg likar å bruke kokosolje i produkta mine er som sagt tidlegare at det gir ein fin konsistens til salvar, men i tillegg har kokosolja masse gode eigenskapar i seg sjølv. For det første gir den ein masse fuktigheit til huda, og i mange land der kokos vert dyrka brukar dei rein kokosolje som fuktighetskrem. Kokosolje er rekna for å vere veldig gunstig å bruke viss du har hudproblem som eksem, psoriasis, tørr hud, kløe eller hudinfeksjonar. I tillegg til alt dette så er det også ei veldig fin olje å bruke i matlaging. Den skal vere helsebringade på mange måtar, og er rekna for å vere i av dei sunnaste matoljene. Det masse å lese om kokos på nettet, til dømes her.

Men dersom den skal varmebehandlas bør du ikkje bruke jomfrukokosolje. Her oss oss brukar me kokosolje til steiking, og nokre gonger til baking. Oftast brukar eg den på heimelaga musli som er populært både til frukost og kvelds her i huset vårt. Viss du er frista til å prøve så får du oppskrifta her. Dette er ei grunnoppskrift, men her kan du bruke dei gryna og nøttene som du likar, varier gjerne med solsikkefrø og graskarfrø. Rosiner og anna tørka frukt må du tilsette etter at muslien har blitt kald.

Rista grynblanding med kokosolje

1 liter havregryn
2 dl sesamfrø
2 dl kli
2 dl hakka mandler og hasselnøtt
3 ss kokosolje
1 dl lønnesirup eller honning
pittelitt salt
1/2 ts kanel om du vil

Smelt kokosolja og bland den med lønnesirup eller honning. Bland alt det tørre og ha i ei langpanne, tøm over oljeblandinga og bland godt. Dersom du vil kan du ha ei ss peanøtt eller mandelsmør oppi olja mens den smelter. Bak blandinga i ovnen, 160 grader i omlag ein time. Rør rundt av og til for å passe på at alt vert rista jevnt.

Posted on by

Ansiktsmasker

Ansiktsmasker er ein måte å gi huden ein skikkelig djup rens. Her kan ein bruke mange ulike ingrediensar som verkar på ulike måter, nokre aukar blodsirkulasjonen, nokre brukar me for å tilføre fuktigheit, andre som peeling. Ansiktsmasker kan roe ned irritert hud, og gjere huda mjukare. Men det finaste av alt er at det er fleire ting som dei aller fleste har i kjøkenskåpet eller kjøleskåpet som kan brukast. I dag skal du få nokre oppskrifter på ansiktsmasker du kan lage sjølv for ein billig penge. Som du ser på oppskriftene under så er det ikkja alltid så mykje som skal til for å gi ansiktet litt meir oppmerksomhet, ein finfin aktivitet for ein rolig sundagskveld!

Bruk alltid ansiktsmasker på nyleg reingjort og fuktig hud. Bruk fuktigheitskrem eller ansiktsolje etter du har skylt av maska.

Eggekviteoppstrammar
Denne maska er oppstrammande for huda, og minskar porene. Maska vert veldig stram når den tørkar, så det er best å vente med dei gode samtalane til du er ferdig. Egner seg til alle hudtypar

Kviten av eit egg
1 ts maisena

Bland saman eggekvita og maisena i ei lita skål, bland godt med gaffel. Blandinga skal ikkje vere klumpete. Bruk fingrane dine og smør maska jevnt utover ansikt og hals. Legg deg ned og slapp av mens dette tørkar, omlag 20 min. Rens av med vatn.

Havremaske
Denne maska fungerer som ein mild peeling, dersom du brukar den to gonger i veka skal den hjelpe på raudflammete hud då maska har ein savk bleikande effekt. Egner seg til alle hudtypar, men ikkje bruk den dersom du er solbrent, vindbrent eller har veldig irritert hud i ansiktet.

4 ts knuste havregryn
5 ts surmjølk eller yogurt naturell

Bruk ei matmølle til å knuse havregryna til fint mjøl. Bland dette med sumjølka ei ein liten bolle. Dersom den er veldig tjukk kan du ta litt ekstra surmjølk. Bruk fingrane og smør massen på ansiktet. Lat tørka i 20-30 minuttar og rens av. Når du vasker vekk maska brukar du forsikting sirkelrunde bevegelsar, då får du masser vekk døde hudceller og ansiktet blir mjukt og huda frisk og fin.

Banan og krem
Denne enkle maska gjer ansiktstshuden supermjuk og avslappa. Passer fint til alle hudtypar også dei veldig sensitive, solbrent og irritert hud.

omlag 5 cm veldig moden banan
litt kremfløyte

Finmos bananen og bland med fløyte til du har ein glatt, smørbar masse. Bruk fingrane og smør inn ansikt og hals. Men pass på at du ikkje har finkjolen på deg, for denne kan bli litt grisete. Maska skal ikkje tørke, men ha den på i 20-30 minuttar før du skyller den av.

Viss du har ein annan oppskrift som du likar, del gjerne med oss!

 

Posted on by

Vinter, og litt vår

Her på sørvestlandet har det stort sett vore ein veldig mild vinter så langt. Eg har lagt merke til at nokre av vekstene i hagen trur at våren har komme litt lenger enn den faktisk har. Men denne veka fekk me frost igjen, så no har nok vårfølelsen stoppa litt opp. Heldigvis merkar hønene at sola har snudd, og nokre av dei har byrja verpinga igjen. Hønen tar ein naturleg pause frå verpinga midt på vinteren. Denne pausen brukar dei til å kvile kroppen og byte fjør. I industrien blir det brukt kunstig lys døgnet rundt slik at hønene ikkje veit forskjell på vinter og sommar og natt og dag. På denne måten unngår ein denne pausen i verpinga, men det betyr også at hønene vert fortare utsletne og meir pjuskne, for dei får aldri den kvilepausen som er naturleg for dei. Difor vert dei ofte slakta når dei er eitt og eit halvt år gamle, for då er dei ikkje like produktive som unghøner. Me syns ikkje det er så viktig om alle verper kvar einaste dag, så hos oss får dei bli både tre og fire år. Hønene har fri tilgang på beite heile året, og vindu i huset sitt slik at dei ser forskjell på natt og dag. I fjor vår kjøpte me inn nokre burhøns som var sjalta ut av ein stor produsent. Styggare høner hadde eg aldri sett, men etter eit par månader med grønt gras og god plass vart dei runde og flotte i fjøra. Men nokre vårteikn er klare. Dei første rabrarbraknoppane er på veg opp, likeeins klosterklokkene. Grønkål er ikkje akkurat eit vårteikn, men den står fint trass i frosten, og gjer at me kan ha fersk grønt frå hagen i januar!

klosterklokker120113

rabarbra120113

grønkal120113

egg120113

høne120113

Posted on by

Tørre hender?

På dei få julemarknadene eg var på før jul så var det tydeleg at handsalven var ein salsuksess. Det er også handsalven som er mest brukt her i huset. Me er plaga med tørr og til dels sår hud på hendene, spesielt om vinteren. Når ein jobbar i fjøs er det mykje handvask som tørker ut huda, og i kaldt ver hender det ofte at huda på hendene sprekker opp og vert veldig sår. Då er det godt å smørje seg inn med ein skikkelig god salve. Konsistensen er linn annleis enn vanleg handkrem, og fordi det ikkje er vatn i den brukar den lenger tid på å trekke inn i huda, men då varer den også lenger. Eg syns det er godt å smørje seg om kvelden når eg har lagt meg, også brukar eg den alltid før eg vaskar opp. Då kan eg fint ha hendene i varmt såpevatn utan å verte tørr. Eit anna bruksområde er massasje. Når ungane kjem ut av badekaret og har tørka seg, tar eg litt i hendene mine som smelter, og brukar det til å massere ungane. Dette kan fint brukas på vaksne også, enten ein sjølv eller kjærasten. Huda treng ikkje vere heilt tørr før du masserer inn salven. Dersom du har ekstra tørr hud nokon plass på kroppen er det ein fordel å gjere dette etter bad/dusj, då er huda mjukare. Salven kan også brukas som kuldekrem når det er kaldt. Kokosolje skal vere bra for alle slags hudlidingar, eksem og kløe. Både mandelolje, jojobaolje og tistelolje er veldig næringsrike, og rike på fettsyrer som gir masse fuktigheit til huda. Eg merker at når eg har vore flink å smøre kvar kveld, så treng eg ikkje smøre meg meir i løpet av dagen for huda held på den fuktigheita den har fått kvelden før.

2013-01-10 14.35.22