Jula her hos oss vart prega av sjukdom og innesitting. Det vart målt storm med orkan i kasta opptil fleire gonger, og me prøvde å halde varmen inne i det trekkfulle huset vårt etter beste evne, mens me knaska julekaker og såg på film. Men no er det nye året godt i gang, og veret har tatt seg betydeleg opp. Min veldig tålmodige turvenninne Frøya har venta på at eg skal få ånden over meg og finne turlysten att. Denne veka kom den endeleg, og me har hatt oss fleire fine turar så langt. Me er så heldige at me bur på ein plass der me kan gå ut døra og rett opp i skogen. Bilda er ikkje heilt tipp topp, dei er knipsa med mobilen som eg tilfeldigvis hadde i lomma. Ein av dei tinga eg ynskjer for 2013 er at eg skal bli flinkare til å hugse å ta med meg kameraet, og at eg skal bli flinkare til å faktisk ta bilete (og flinkare til å faktisk gå på tur..)
